لخريج الثانوية .. ودّكـ تكمّل برا .. أجل حيّاكـ "تكاليف الجامعات

هلا والله بالربع ..
أخبار علومـ ..

ووش مسوين .. ان شاء الله بخير ..

هالموضوع حطيته للمهجولين << مثله ^^
اللي مالقوا جامعة .. وجارت عليهمـ الدنيا .. وفـ خاطره يكمل برا ..
وحتى اللي في ثالث ثانوي والحين .. يمكن ينفعه الموضوع ..

والله حبيت أحطه من الطفش اللي حاس بيه ..

هو عبارة عن شبه ملخص .. لتكاليف الدراسة في الخارج ..
مسويهمـ كنت لنفسي .. عاد قلت خلني أنشرهمـ يمكن بعد أحد يستفيد منهمـ ..
<<----- عن كثرة الهذر .. وأخلص علينا ..

اممممممـ .. خلني بتكلمـ عن الدول اللي جلست أحوس فيهمـ ..
وجلست أحسب تكاليفهمـ ..

الدول اللي شفتها : المانيا ، نيوزلندا ، كندا ، أمريكا ..

:../:: المانيا ::\..:

ممكن يستغرب البعض اني جلست أشوف الدراسة في المانيا ..
اللي خلاني أشوف ربع هتلر .. هو انه الدراسة عندهمـ رخييييصة ..
لأن قبل فترة .. كانت الدراسة مجانية في المانيا .. لكنهمـ قرروا يخلوها برسوم .. فوضعوها رمزية .. واللي شفتها أنا مايتجاوز حوالي الـ 1500 ريال سعودي في الترمـ ..

>> ايجابيات <<
1- رخص تكلفة الدراسة كما ذكرنا .
2- قربها من السعودية ودول الخليج العربي عموما ً ، فإذا كان الواحد يبي يرجع لضرورة أو شي من هيكـ ، فيقدر بكل سهولة ان شاء الله .
3- سهولة استخراج التأشيرة .

>> سلبيات <<
1- الدراسة تكون باللغة الألمانية ، مع اني سمعت ان في كمـ جامعة تدرّس بالانجلش ، بس ماأتوقع انها بتكون بقوة الجامعات اللي تدرّس باللغة الأمـ .
2- الارتفاع المستمر في سعر صرف اليورو .

>> مجمل التكاليف <<

طبعا ً للدراسة في المانيا .. لازمـ تخش معهد لغة .. وهو اللي بيكلف صراحة ..
لأنه بيطلعلكـ في الـ 8 شهور تقريبا 35,350 ريال سعودي ، وهالمبلغ شامل للسكن خلال هالفترة .

ونجي للدراسة الجامعية .. أنا شفت السنة السنة التحضيرية في جامعة كاسل "Kassel"
تكلفة السنة الدراسية حوالي 2290 ريال ، والسكن بحدود الـ 8320 ريال .

وبعدها الدراسة .. شفت في جامعة بريمين " Bremen " حسبتها لـ 6 سمسترات ..
حوالي 6570 ريال ، والسكن بحدود الـ 50,000 ريال في هالثلاث سنوات .

يعني المجموع بيطلعلكـ حوالي الـ 103,000 ريال خلال الـ 5 سنوات .

طبعا ً يبيلكـ تحسب المصاريف من أكل والترفيه وبعض الضروريات .

بس على العمومـ .. ما أتوقع اذا حسبت الاجمالي .. مابتطلعلكـ بـ 40 ألف ريال في السنة زي الجامعة الأهلية بالرياض .

وأنا والله ودي أروح هناكـ .. في مخطط اني أبدأ أرتب من الحين .. ويبدا المعهد في 9/6/2008 مـ .. بس بشوف كيف الظروف .

واللي معزّمـ يكلمني وماعليه ^^ .

-------------------------------------
نجي للدول اللي تحكي بالانقلش ، ترى الجامعات تشترط غالبا ً التوفل.
-------------------------------------

:../:: نيوزيلندا ::\..:

هالبلد شحليله .. العرب فيه موب واجدين ، بما انها في آخر الدنيا ^^

>> ايجابيات <<
1- اللغة الانجليزية ، يعني الواحد يقدر يدبر عمره .
2- شعبهمـ تحسهمـ جدد ، فتتعامل معهمـ بيسر وسهولة وود .

>> سلبيات <<
1- البعد الشديد لهالدولة عن الخليج العربي خصوصا ً .
2- عدمـ وجود سفارة نيوزيلندية بالسعودية ، يعني لازمـ تكلم السفارة بالامارات .
3- غلاء تذكرة السفر الى هناكـ .

>> مجمل التكاليف <<

أغلب الجامعات عشان تتأقلمـ معهمـ ، يبيلكـ ست شهور على الأقل لغة ،
بس للأسف ما حسبت تكلفة المعهد صراحة ، العذر والسموحة ، لكن نتكلمـ عن الجامعة .. تكلفة السنة الدراسية الواحدة في جامعة اوتاغو " Otago " حوالي الـ 58 ألف ريال سعودي ، والسكن حوالي الـ 37,450 ريال .
يعني أقل شي بيطلعلكـ 95,450 ريال في السنة الواحدة .

وفي جامعة أخرى اللي هي اوكلاند للتكنلوجيا " Auckland Technology " .. وهي تكلف حوالي الـ 59,750 ريال للسنة الدراسية الواحدة ، بالاضافة الى 37,750 ريال للسكن ، و 6650 ريال تأمين وكتب ومصاريف مطلوبة اضافية للجامعة .
وهنا يا طويل العمر والسلامة بيطلعلكـ حوالي الـ 104,150 ريال في السنة .

-------------------------------
-------------------------------

:../:: كندا ::\..:

هالدولة بدأ كثير من الطلاب يتوجهون لها ، خاصة بعد أحداث الـ 11 سبتمبر ، واللي أدت الى صعوبة الذهاب إلى أمريكا .

>> ايجابيات <<
1- اللغة الانجليزية .
2- وجود جامعات ذات ترتيب عالي في تصنيف الجامعات .

>> سلبيات <<
1- الضمان المالي معقّد شوي [ هالمعلومة موب متأكد منها ، بس سامع بها ]
2- بعد المسافة عن الوطن العربي .

>> مجمل التكاليف <<

الجامعة اللي شفتها هي واترلو " Waterloo " وهي قوية في مجال الحاسب الآلي .. السنة الدراسية بحوالي 86,800 ريال ، والسكن بيكلف حوالي 23,100 ريال ، بالاضافة الى 7,360 ريال تأمين وكتب ورسوم اضافية . وفي المجموع راح تكلفكـ الدراسة حوالي 117,270 ريال للسنة .
وللأسف تكاليف المعهد ماشفتها ، اللي يبيها يقول ويبشر بعزه ان شاء الله ^^

باقي أمريكا .. وهذي راح أخصص لها ان شاء الله رد آخر ، لأني شفت جامعات كثيير .. وأي استفسار .. وكنت أقدر أساعدكمـ فأنا حاضران شاء الله ..

ملاحظة / ترى مصادر التكاليف والدراهمـ هذي من مواقع الجامعات نفسها .

منقوول للفائده